Education for Justice FACT SHEET I-3 (Oromo) Fall 2009

TURJUMAANA (NAMA AFAAN SII HIIKU)

ARGACHUUF MIRGA ATI QABDU

YOUR RIGHT TO AN INTERPRETER

YOOMI KAN TURJUMANAA ARGACHUUF ANI MIRGA QABU?

Waan deemaa jiru hubachuuf yoo si barbaachise turjumaana argachuuf mirga qabda.

Jaarmotni mootummaa naannoo ykn federaalaa irraa mallaqa argatan namoota beekumssa afaan Inglizii irratti ir’ina qabaniif turjumaana tolaan dhiheessuu tu irra jira. Kuni waajjiiraalee mootummaa hedduu, mana barmootaa, mana murtii, mana yaalaa, poolisa, damee ibidda fi worra bu’aa malee tajaajila laatan dabalata.

TURJUMAANA ARGACHUUF MAAL GOCHUU TU NARRA JIRA?

· Turjumaana gaafadhu. Akkana jechuu dandeetta: “I need an Oromo interpreter.” (“Turjumaana Afaan Oromoo fedha.”)

· Jaarmaan sun yoo si dide, seerri turjumaana laadhaa fii akka jedhu yaadachiisi.

Waraqaa kana kan Afaan Inglizii itti agarsiisi.

TURJUMAANA ARGACHUUF HANGAM TURUU QABA?

Turjumaana argachuun hanga ati gargaarssa dhabdu ykn ballama kee hanqattu dheerachuu hin qabu. Turjumaana argachuun yeroo hangam akka si fudhatu faana bu’i.

TURJUMAANAAF EENYUUTU KAFALA?

Jaarmaya ati gargaarsa irraa feetu sana.

YOO JAARMAAN SUN TURJUMAANA KEE FIDADHU NAAN JEDHU HOO?

Jaarmayni tokko turjumaana fidadhu jedhee si gaafachuun seeraan ala.

· Turjumaana gaafadhu. Yoo sii hin dhiheeffamin, barreeffamaan komadhu. Coopiisa ambifadhu.

· Yoo barbaadde turjumaana mataa keetii dhiheeffachuu dandeetta. Haa ta’u malee, jaarmaan tokko turjumaanuma ofitti dhimma ba’uuf filachuu danda’a.

· Ijoolleen/namni umriin hin ga’in afaan hin dandayan.

YOO HIKAAN TURJUMAANA NAA GALUU DIDE MAAL GODHU?

Mirgi kee kan turjumaana argachuu mirga turjumaana siif galu argachuu dabalata.

· Yoo wanni turjumaanni jedhu sii galuu dide turjumaanni waan san akka sii ibsu ykn
waan jedhe akka irra sii deebi’u gaafadhu. Gaaffii gaafachuu hin sodaatin.

· Yoo sii hin galle, jaarmichatti himadhu.

QOODNI TURJUMAANAA MAALI?

Qoodni turjumaanaa waan dubbatamaa jiru afaan keetin sitti himuu dha. Turjumaanni wakiila ykn abokaatoo miti. Turjumaanni kan hin baabsine (hin jallisnee) fi qixxee ta’utu irra jira. Turjumaanni odeeffata kee dhuunfaatti siif dhoksuu qaba (nam biraatti himuu hin qabu).

YOO TURJUMAANNI KIYYA QOODA ISAA/ISII HIN BAANE RAAWATNE MAAL GODHA?

Barreeffamaan jaarmichatti komachuu qabda. Yoo gargaarsa feete, Gargaarsa Seeraa/Legal Aid/ yaami.

WAA’EE WARAQAALEE HIIKAMANII HOO?

Jaarmayni tokko katabbii barbaachisoo ta’an gatii malee yeroon hiiksisuu tu irra jira. Katabbii barbaachisaan beeksisa, iyyata, fi barrulee barbaachisan biraa dabalta.

TURJUMAANA ARGACHUUF MIRGA MAALIF QABAADHE?

Afaanif nama looguun biyya dhalootaan nama looguu jechuu dha. Kuni biyya itti dhalatnii jecha nama loogan jechuu dha.

· Mirgi turjumaanaa MIRGA HAWAASUMMAATI.

· Yoo dhaabbatni mootummaa federaalaatin gargaaramu tokko turjumaana hin laatne, akka Seera Mirga Hawaasumaa 1964 Mata Duree 6ffatti biyya dhalootaaf jecha nama looguu dha.

· Jaarmoleen Minnesota jiran akka Seera Mirga Namoomaa Minisootaatti turjumaana laachutu irra jira.

YOO TURJUMAANNI NAAF HIN DHIHEEFFAMIN YKN TURJUMAANA KEE FIDADHU NAAN JEDHAN AKKAMITTI KOMADHA?

· Maqaa fi kaardii biizinasaa (business card) namaa ykn jaarmaya mirga kee dhoowwatee qabadhu.

· Nama itti mataatti (kan isa tooi’atu) tti dubbadhu.

· Komii galfadhu:

· Geggeessaa jaarmichaa ykn birkii mirga hawaasummaatti;

· Damee Mirga Namoomaa kan Minisootaa/Minnesota Department of Human Rights;

· Dhaabbata federaalaa kan jaarmaya sanii horii laatu ykn Damee Haqaa tan Ameerikaa (US Department of Justice).

· Bulchaa magaalaa, Bulchaa Naannoo, Bakka Bu’oota kee kan mana maree, bakka bu’oota kee kan naannoo fi gandaatti xalayaa barreessi.

· Eynuu fi yoom aka dubatte galmeefadhu. Copii xalayaa keetii ambifadhu.

Ona Hennepin keessatti Jaarmaya Gargaarsa Seeraa kan Minneapolis yaami: (612) 334-5970

Minneapolis Legal Aid – CLE MN Legal Services Coalition 2324 University Avenue, Suite 101B St. Paul, MN 55114

Yoo umrriin xlayyaa tana bara tokko ol ta’e Dhimma itti hin bahin. Hara’a argachuuf xalayyaa nu barreessi. Xalayyaan tun rakkina seerraaf hikka ta’u hin dandeesu. Rakkina seerraaf abukkatoon marrihadhu.