Education for Justice FACT SHEET I-6 (Hmong) Fall 2009
Kev Ceeb Toom Chaw Nyob Hloov mus rau
Chaw Pab Neeg Tuaj Txawv Teb Chaws Tuaj
Reporting a Change
of Address to the Immigration Service
KUV PUAS YUAV TSUM TAU QHIA RAU CHAW PAB NEEG TUAJ TXAWV
TEB CHAWS TUAJ THAUM KUV HLOOV CHAW NYOB?
Yog tias koj tsis
tau xeem ua neeg Teb Chaws Asmeskas, tiam sis koj yeej nyob rau hauv Teb Chaws
Asmeskas lawm, koj yuav tsum qhia rau Teb Chaws Asmeskas Lub Chaw Xeem Ua Neeg
Pej Xeem & Kev Tuaj Txawv Teb Chaw Tuaj (United States Citizenship &
Immigration Service (USCIS)) kom paub koj qhov chaw nyob tam sim no. Koj yuav tsum qhia tsis pub dhau 10 hnub tom
qab koj tsiv los yog hloov koj qhov chaw nyob.
Cov neeg xeem ua neeg pej xeem thiab cov tsis tau xeem ua neeg pej xeem
uas “ua ntawv tos” ib tug neeg txawv teb chaws tuaj rau hauv Teb Chaws Asmeskas
uas tau kos npe rau “Tsab Ntawv Pov Thawj Kev Txhawb (affidavit of support)”
yuav tsum tau qhia rau USCIS thaum twg lawv cov chaw nyob hloov. Cov tos neeg txawv teb chaws yuav tsum qhia
cov chaw nyob hloov tsis pub dhau 30 hnub tom qab hnub hloov.
KUV
CEEB TOM CHAW NYOB HLOOV LI CAS?
Yog koj yuav tsum qhia rau USCIS kom paub tias koj hloov koj qhov chaw nyob, koj yuav tsum sau Tsab Ntawv AR-11, Neeg Txawv Teb Chaws Tsab Ntawv Hloov Chaw Nyob (Alien’s Change of Address Card). Koj mus nrhiav tau tsab ntawv hauv USCIS qhov website, www.uscis.gov/AR-11. Tom qab koj sau tiav, nco ntsoov luam ib tsab cia nrog koj cov ntaub ntawv. Peb pom zoo kom koj muab tsab ntawv ntaus cim pov thawj (certified) xa tuaj, thiab hais kom tau daim ntawv pov thawj tus nqi xa. Ua li ntawd koj thiaj li paub thaum twg USCIS txais tau lawm thiab koj thiaj muaj pov thawj tias koj yeej xa lawm yog koj yuav tsum siv thaum twg.
Koj kuj sau tau tsab ntawv AR-11 qhia hauv online tsis tag yuav xa. Kom sau tau qhia hauv online, txuas mus rau USCIS qhov website uas sau muaj saum no, ces nias rau qhov “Change Your Address with USCIS” nyob rau sab lauj, hauv qab “More Information.” Ua raws li cov lus qhia, nco ntsoov luam ib tsab tawm los khaws cia nrog koj cov ntaub ntawv.
Yog koj yog ib tug ua ntawv tos neeg txawv teb chaws tuaj uas koj yeej xeem ua neeg pej xeem Asmeskas lawm los yog koj tsis tau xeem ua neeg pej xeem, koj yuav tsum tau sau Tsab Ntwv I-865 Cov Neeg Ua Ntawv Tos Tsab Ntawv Hloov Chaw Nyob (Sponsors Notice of Change of Address) tuaj qhia koj qhov chaw nyob tshiab, Xa tau tsab ntawv no mus rau USCIS, thiab xa tsis tau tsab ntawv no hauv online. Luam tawm tau ntawm USCIS qhov website, ntawm www.uscis.gov/I-865. Yog koj tsis tau xeem ua neeg pej xeem thiab yog ib tug ua ntawv tos neeg txawv teb chaws tuaj, koj yuav tsum tau sau tag nrho ob Tsab Ntawv AR-11, thiab I-865.
COV
TXIM RAU TXOJ KEV TSIS QHIA CHAW NYOB HLOOV
Yog koj tsis qhia koj qhov chaw nyob hloov tshiab rau daim ntawv AR-11 tom qab 10 hnub uas koj tshais chaw koj yuav raug rub lub ntxim me txhaum cai desdeweanoz. USCIS yuav tau zeem hais tias koj lom txwm tsis qhia. Yog luag txiav txim tias koj txhaum, koj yuav raug nplua txog $200, thiab rau kaw txog 30 hnub. Tej zaum koj kuj raug xa rov qab mus rau koj lub teb chaws thiab. Kev ceeb toom chaw nyob hloov yog ib lub luam num ntawm ib tug neeg tsis tau xeem ua neeg pej xeem yog lawv xav nyob hauv teb chaws Asmeskas, los yog xav tau tej kev zoo tom ntej ntawm txoj kev khiav txawv teb chaws.
Yog tias koj yog ib tug ua ntawv tos neeg txawv teb chaws tuaj uas tsis ceeb toom qhia chaw nyob hloov chaw nyob rau daim ntawv I-865 tsis pub dhau 30 hnub tom qab hloov chaw nyob, tej zaum koj yuav rau nplua.
COV TXOOJ XWM UAS TSEEM TAB TOM TOS KEV TXIAV TXIM
Yog koj twb muaj tsab ntawv thov kev tuaj txawv teb chaws tuaj uas USCIS tseem tab tom xyuas, koj yuav tsum xa Tsab Ntawv AR-11. Tiam sis koj yuav tsum tau sau ib tsab ntawv mus qhia USCIS tus kheej li ntawv koj qhov chaw nyob thij li hloov nyob rau hauv koj tsab ntawv tab tom tos.
Tsis muaj ib tsab ntawv tshwj xeeb los siv sau rau qhov nov. Koj hu tau rau ntawm USCIS qhov chaw teb xov tooj ntawm 1-800-375-5283 kom hloov koj chaw nyob. Tom qab hu xov tooj USCIS yuav tsum sau ib tsab ntawm tuaj rau koj, tuaj qhia rau koj paub tias koj qhov chawv nyob ntawm tsab ntawv kev txooj xwm tab tom tos hloov lawm. Khaws tsab ntawv uas tuaj tom USCIS. Yog koj tsis tau txais ib tsab ntawm tuoj tom USCIS li 30 hnub tom qab koj hu xov tooj rov qab hu dua.
Qee leej neeg kuj nyiam xa ib tsab ntawv qhia txog chaw nyob hloov tom qab hu xov tooj kom paub tsheeb tias USCIS tau txais cov ntaub ntawv. Yog koj xav ua li no, sau ib tsab ntawm was muaj koj lub npe tag nrho, koj tus yuaj zauv (alien) koj tsab ntawv tus zuav, thiaj koj qhov chaw nyob tshiab thiab qub. Koj tuaj yeem luam ib daim qauv ceeb toom ntawm koj tsab ntaw tos. Xa cov ntawv rnus rau USCIS chawv nyob ntawv koj tsab ntawv txhooj xwm tab tom tos. Yuav tsum xa tsab ntawm kom lawv ntaus thwj rau. Thiab khaws ib daim luam tseg thiab daim yuaj uas koj xa.
Koj kuj tuaj yeem hloov koj chaw nyob rau saum hua cua hauv computer es tsis thas yuav hu. Yog hais tias koj tso npe rau daim ntawv AR-11 rau saum huab cua, txoj kab kev yuav noog koj ntawb ntawv txog txhooj xwm tab tau tos. Tso cov nta ub ntawv, thiab USCIS qhov chaw nyob uas tuav koj txhooj xws tab tau tos yuav qhia rau koj. Nco ntsoov luam ib tsab tawm los khaws cia nrog koj cov ntaub ntawv. Yog koj ua li no rau sawm huab cua lawm, koj tsis thas yuav hu rau USCIS los yog xa ib tsab ntawv hais txog koj chaw nyob hloov mus rau qhov chawv nyob uas koj daim ntawv tab tom tos.
TSEEM CEEB HEEV:
Yog hais tias koj muaj txhooj xwm ntaub ntawv tab tom tos es koj tsis qhia koj
qhov chaw nyob hloov rau USCIS nyob hauv daim ntawv, koj yuav tsis tau txais
ntawv los ntawm USCIS txog qhov txiav txim los yog lwm yam ntaub ntawv tseem
ceeb hauv koj txhooj xwm. Qhov nov yuav
ua rau USCIS tsis lees txais txog neeg tawg rog kev pab cuam ua koj thov. Nyob rau lwm yuam txhooj xwm, nws kuj ua rau
qhov chaw neeg tawg rog nuaj feem tso koj rau kev xa rov qab.
COV TSIS TAU XEEM UA NEEG PEJ XEEM UAS TSIS MUAJ CAI
NYOB
Yog
koj yog ib tug neeg tsis tau xeem ua neeg pej xeem thiab tsis muaj cai nyob
hauv Teb Chaws Asmeskas, thiab tsis muaj ib tsab ntawv thov nyob teb chaws no,
koj yuav tsum mus nrhiav tswv yim kev cai lij choj pab ua ntej koj qhia USCIS
txog qhov hloov chaw nyob tshiab.
|
MN Legal Services Coalition |
Txhob siv daim ntawv qhia no yog tias nws twb ua tawm los dhau ib xyoos lawm. Sau ntawv rau peb kom tai cpv mtawv kho hloov tshiab, daim ntawv qhia txhua yam uas muaj tiag, los yog lwm hom siv los qhia. Cov ntawv qhia uas muaj tiag yeej muab lus teb tsis tas rau ib qho teeb meem kev cai lij |