Education for Justice FACT SHEET I-7 (Hmong) Fall 2009

COV NQI TXHIV NEEG TUAJ TXAWV TEB CHAWS TUAJ

Immigration Bonds

NQI TXHIV NEEG TUAJ TXAWV TEB CHAWS TUAJ YOG DAB TSI?

Qhov nqi txhiv yog leej twg them nyiaj txhiv lwm tus tawm ntawm txoj kev ceev los yog hauv tsev raug txim. Qhov nqi txhiv neeg tuaj txawv teb chaws tuaj yog qhov nyiaj uas them txhiv kom Chaw Tswj Neeg Tuaj Txawv Teb Chaws Tuaj & Kev Cai (Immigration & Customs Enforcement), los yog “ICE”) tso neeg tawm. Yog koj mus tshwm txhua nrho rau koj cov rooj hais plaub thiab ua raws li cov kev qhia los ntawm tus Kws Txiav Txim Plaub Rau Neeg Tuaj Txawv Teb Chaws Tuaj los yog raws li ICE hais, koom cuam rau kev tawm hauv teb chaw yog hais tias yuav tsum tau ua, yuav rov thim qhov nyiaj txhiv rau koj thaum sib hais koj rooj plaub tag. Tiam sis, ICE yuav khaws qhov nyiaj txhiv yog tias koj tsis ua raws li lub tsev hais plaub qhia los yog tsis ua li hais.

KUV THOV KOM MUAJ NQI TXHIV LI CAS?

Tej thaum ICE teeb muaj nqi txhiv. Yog tsis tau teev muaj nqi txhiv, koj thov tau kom tus Kws Txiav Txim Plaub Rau Neeg Tuaj Txawv Teb Chaws Tuaj teeb tus nqi txhiv. Koj thov tau kom muaj lub rooj sib hais txog nqi txhiv rau koj. Thaum sib hais txog nqi txhiv, koj thov tau tus Kws Txiav Txim Plaub Rau Neeg Tuaj Txawv Teb Chaws Tuaj kom teeb tus nqi txhiv tsawg dua yog tias koj xav tias ICE muab teeb tau siab dhau lawm. Tus nqi txhiv qis tshaj plaws yog $1,500. Ceev faj thaum koj thov tus Kws Txiav Txim Plaub Rau Neeg Tuaj Txawv Teb Chaws Tuaj kom txo tus nqi txhiv. Tus Kws Txiav Txim Plaub Rau Neeg Tuaj Txawv Teb Chaws Tuaj yuav nce tau tus nqi txhiv yog nws xav tias teeb tau tsawg dhau lawm. Cov neeg muaj tej txhiaj txim yuav tsis muaj nyiaj txhiv tau.

ROOJ SIB HAIS TXOG NQI TXHIV ZOO LI CAS?

Thaum yuav txiav txim seb puas yuav teeb muaj nqi txhiv los yog txo tus nqi txhiv kom tsawg, tus Kws Txiav Txim Plaub Rau Neeg Tuaj Txawv Teb Chaws Tuaj yuav xyuas seb koj puas yog hom neeg “muaj feem khiav” los yog puas yog ib tug neeg txaus ntshai rau lub zej zog. Tus neeg muaj feem khiav yog tus uas muaj feem yuav tsis tuaj tshwm nrog sib hais plaub yog muab tso tawm lawm.

Tej yam uas tus Kws Txiav Txim Plaub Ntug yuav xav txog thaum txiav txim txog nqi txhiv yog xws li:

• Koj tsev neeg txoj kev sib raug zoo nrog Teb Chaws Asmeskas zoo li cas, thiab cov tib neeg hauv lub tsev neeg txoj kev tuaj nyob teb chaws no yog nyob zoo li cas
• Puas tau muaj ntawv thov tuaj nyob teb chaws no rau koj
• Koj txoj kev sib raug zoo rau zej zog seb zoo li cas, xws li puas koom tej pawg ntseeg los yog tej pab pawg neeg
• Seb koj puas muas muaj vaj tse ntawm cheeb tsam
• Koj li keeb kwm kev ua hauj lwm, thiab puas muaj hauj lwm tos rawv rau koj mus ua thaum tso koj tawm
• Koj li keeb kwm kev ua txhaum cai thiab kev rov xyaum los ua neeg txuam nrog pej xeem
• Keeb kwm teeb meem txuam nrog kev tuaj txawv tej chaws tuaj, xws li cov kev raug xa rov qab rau nws lub teb chaws, cov kev raug ntes kaw, los yog txoj kev tuaj nyob teb chaws no txhaum cai
• Feem uas koj yuav tau nyob los yog txoj kev koj yuav tau nyob teb chaws no raws kev cai lij choj

Sim ua kom tus Kws Txiav Txim Plaub Rau Neeg Tuaj Txawv Teb Chaws Tuaj ntseeg tau tias koj tsis yog ib tug neeg muaj feem yuav khiav los yog ib tug neeg txaus ntshai rau lub zej zog. Koj yuav tsum hais kom koj tsev neeg thiab cov phooj ywg xa los yog nqa koj cov pov thawj tuaj. Pov thawj yog cov xws li:

• Luam cov ntaub ntawv LPR (Neeg Muaj Cai Nyob Ruaj (Legal Permanent Resident)), cov ntawv cim hnub yug hauv Teb Chaws Asmeskas los yog ntawv pov thawj xeem ua neeg pej xeem rau koj tus txij nkawm, cov me nyuam thiab leej niam leej txiv.
• Luam cov ntawv pov thawj los yog ntawv tso cai ntawm cov ntaub ntawv thov kev tuaj txawv teb chaws tuaj uas koj twb ua muaj lawm
• Ntawv pov thawj tej vaj tse uas koj muas muaj nyob hauv Teb Chaws Asmeskas
• Ntawv pov thawj muaj cai ua hauj lwm
• Cov ntawv txhawb los ntawm tsev neeg los yog lub zej zog

THEM TUS NQI TXHIV

Feem ntau yeej tso koj tawm rau hnub uas koj them qhov nqi txhiv. Yuav tsum muas daim nyiaj ntawv hauv Teb Chaws Asmeskas Chaw Xa Ntawv, los yog muas daim nyiaj ntawv (cashier’s check) hauv txhab cia nyiaj tuaj them qhov nqi txhiv kom tag. Yuav tsis yuav cov nyiaj ntsuab, nyiaj check uas yog tus kheej li, los yog nyiaj ntawv uas tsis yog lub chaw xa ntawv daim. Koj tsev neeg los yog cov phooj ywg yuav tsum tuaj rau hauv ICE ib lub chaw khiav dej num hauv Teb Chaws Asmeskas tuaj them kiag qhov nqi txhiv.

ICE cov chaw khiav dej num uas mus them tau qhov nqi txhiv muaj xws li:

ICE Chaw Khiav Dej Num Hauv Bloomington ICE Chaw Khiav Dej Num Hauv Sioux Falls

2901 Metro Drive 300 East 8^th Street

Bloomington, MN Sioux Falls, South Dakota

7:30 teev sawv ntxov txog 3:00 teev tav su 8:00 teev sawv ntxog txog 3:00 teev tsaus ntuj

Hnub Monday-Friday Hnub Monday-Friday

Tus neeg them qhov nqi txhiv yog hu ua “neeg muaj lub luag num txhiv.” Tus neeg muaj lub luag num txhiv yuav tsum muaj cai nyob Teb Chaws Asmeskas. Lawv yuav tsum muaj tsoom fwv daim duab ID cim nws tus kheej thiab daim ntawv sau nws tus zauv social security thaum tuaj them qhov nqi txhiv. Lawv yuav tsum muab tau cov ncauj lus nram no:

Ÿ lawv npe, chaw nyob tam sim no, thiab xov tooj

Ÿ koj lub npe, chaw nyob, xov tooj thiab tus zauv cim rooj plaub ntug kev tuaj txawv teb chaws tuaj

Ib tug neeg uas TSIS muaj cai nyob rau hauv Teb Chaws Asmeskas yuav tsum tsis txhob sim mus them qhov nqi txhiv lwm tus tawm. ICE muaj cai ntes tau lawv coj mus kaw thiab xa tawm hauv Teb Chaws Asmeskas.

Ib tug neeg uas muaj cai nyob hauv Teb Chaws Asmeskas, tiam sis tau muaj kev ua txhaum cai los yog tseem plaub ntug hais tsis tau tiav yuav tsum tham nrog ib tug kws lij choj pab neeg tuaj txawv teb chaws tuaj ua ntej mus them qhov nqi txhiv lwm tus neeg.

COV LAG LUAM TXAIS NQI TXHIV

Yog tsis muaj leej twg muaj nyiaj txhiv neeg tuaj txawv teb chaws tuaj txaus, tej zaum muaj cov lag luam txais nqi txhiv pab tau. Cov khw no yog cov chaw ua lag luam uas yuav pab them ib feem ntawm qhov nqi txhiv. Ib tug phooj ywg los yog ib tug neeg hauv tsev neeg teev lus cog tseg nrog lawv tau. Ceev faj! Cov lag luag txais nyiaj txhiv no tsub paj siab heev, hais kom muaj “khoom los yuam nqi,” los yog yuav tag nrho cov nyiaj txhiv thaum thim rov los txog. Khoom yuam nqi yog tej yam muaj nuj nqis uas tus neeg yuav tau kos npe rau cov ntaub ntawv lees cia lub lag luam txais nyiaj txhiv yuav hlo li mus yog tias koj tsis tshwm mus sib hais plaub hauv tsev hais plaub los yog tsis ua raws li cov kev qhia uas lub tsev hais plaub los yog ICE hais kom ua.

THIM ROV QHOV NYIAJ TXHIV

Thaum twg hais koj rooj plaub tuaj txawv teb chaws tuaj tag, ICE yuav thim tag nrho qhov nyiaj txhiv rov rau tus neeg uas them qhov nqi txhiv (tus neeg muaj lub luag num txhiv). Tsuas thim qhov nyiaj txhiv yog tias koj tshwm mus hais plaub txhua txhua zaus thiab ua raws nkaus li txhua yam lus uas tus Kws Txiav Txim Plaub Rau Neeg Tuaj Txawv Teb Chaws Tuaj los yog ICE hais. ICE lub chaw khiav dej num yuav xa cov ntaub ntawv mus rau tus neeg muaj lub luag num txhiv sau thiab xa rov tuaj. Thaum twg ICE txais tau cov ntaub ntawv, lawv mam li xa qhov nyiaj txhiv rov rau tus neeg muaj lub luag num txhiv. Yog tus neeg muaj lub luag num txhiv tsiv tsev ua ntej rooj plaub sib hais tiav, lawv yuav tsum qhia qhov chaw nyob tshiaj rau ICE. ICE yuav thim rov qhov nyiaj ntxiv tsis tau yog lawv tsis paub tus neeg muam lub luag num txhiv qhov chaw nyob tam sim no.

Minneapolis Legal Aid – CLE MN Legal Services Coalition 2324 University Avenue, Suite 101B St.Paul, MN 55114

Txhob siv daim ntawv qhia no yog tias nws twb ua tawm los dhau ib xyoos lawm. Sau ntawv rau peb kom tai cpv mtawv kho hloov tshiab, daim ntawv qhia txhua yam uas muaj tiag, los yog lwm hom siv los qhia. Cov ntawv qhia uas muaj tiag yeej muab lus teb tsis tas rau ib qho teeb meem kev cai lij