LEGAL AID SOCIETY TAX LAW PROJECT

Legal Aid Society of Minneapolis

430 First Avenue North, Suite 300  Ÿ  Minneapolis, MN  55401

Hmong                                                                                                                                     Xyoo ua se 2008

 

COV NYIAJ SE THEM ROV QAB

Economic Stimulus Package los yog “Nyiaj Them Rov Los”

 

TAX REBATE CHECKS - Economic Stimulus Package or “Recovery Rebates”

 

 

 

KUV PUAS YUAV TAU NYIAJ THEM ROV QAB?

Tej zaum koj yuav hnov txog qhov nyiaj thim rov qab los yog them rov qab uas tsoom fwv yuav muab tuaj rau xyoo no.  Nyeem tsab ntawv no kom paub seb koj puas yuav tau qhov nyiaj them rov qab thiab seb yuav tau npaum li cas.

 

1.         Kuv yuav tau npaum li cas yog kuv tau ua hauj lwm rau xyoo 2007?

•          Yog koj tau ua hauj lwm rau xyoo 2007 thiab khwv tau nyiaj ntau tshaj $3,000, tsim nyog koj tau $300 nyiaj them rov qab .

•          Yog koj tau ua hauj lwm rau xyoo 2007 thiab koj tsis tau tag nrho koj cov se rov qab los yog koj raug them se ntxiv (qhov no yog hu ua nqi se), ces koj tsim nyog tau $600 nyiaj yog koj ua se rau koj tib leeg xwb.  Los yog tau txog $1,200 yog koj ua se nrog tus txij nkawm.

•          Yog koj ua hauj lwm rau xyoo 2007 thiab them se yam tsawg kawg yog $1 THIAB tau nyiaj ntau tshaj $8,950 rau lub xyoo (yog koj ua se tib leeg xwb) los yog tau $17,900 nyiaj (yog koj ua se nrog tus txij nkawm), ces tej zaum tsim nyog koj tau $300 los yog ntau tshaj.

 

2.         Kuv cov nyiaj laus Social Security puas suav uas nyiaj tau los?

•          Xam tsis tau cov nyiaj SSI.  Tiam sis, yog koj tau nyiaj SSI thiab tau ua hauj lwm, tej zaum kuj tsim nyog koj tau txais nyiaj yog tias koj khwv tau nyiaj tshaj $3,000 rau hauv xyoo 2007.  Xyuas ntu saum toj no.

•          Cov nyiaj RSDI thiab SSD los yog SSDI yuav tsis tsim nyog tau nyiaj. 

•          Yog koj tau nyiaj tshaj $3,000 uas yog cov nyiaj SSA (tsis xam cov nyiaj SSI), nyiaj khwv tau, nyiaj pab rau cov neeg kho kev ciav hlau thiab nyiaj pab qub tub rog rau tsaib no, tej zaum yuav tsim nyog koj tau $300.

 

3.         Kuv cov nyiaj qub tub rog puas xam?

Yog koj muaj cov nyiaj VA (xws li nyiaj pab qub tub rog raug mob tsis taus), nyiaj kho kev ciav hlau, nyiaj SSA (tsis xam cov nyiaj SSI) thiab cov nyiaj khwv tau tshaj $3,000 rau xyoo 2007, tej zaum tsim nyog koj tau $300.

           

4.         Kuv puas tau nyiaj them rov qabrau kuv cov me nyuam?

Yog tsim nyog koj tau qhov nyiaj thim rov los (xyuas cov ntu 1-3) thiab koj tsim nyog suav nws los ua ib tug me nyuam los ua nyiaj se rau me nyuam rau koj cov ntaub ntawv ua se rau xyoo 2007 ces tej zaum koj yuav tau $300  ntxiv rau ib tug me nyuam twg.  Qhov no yog nyiaj pub ntxiv.

 

            Yuav kom tsim nyog tau, tus me nyuam yuav tsum:

-        tsis tau nto 17 xyoo rau lub Kaum Ob Hlis Hnub Tim 31, 2007,

-        yeej suav nws ua ib tug me nyuam rau hauv koj cov ntaub ntawv ua se rau hauv xyoo 2007,

-        txoj kev sib txheeb yeej tsim nyog.

 

Tus niam txiv uas me nyuam tsis nrog nyob tiam sis muaj cai tso me nyuam npe rau cov ntaub ntawv ua se xyoo 2007, ces tus tus niam txiv ntawd yog tus yuav tau $300 ntxiv rau tus me nyuam ntawd.

           

 

Tsuav cov me nyuam txoj kev txheeb ze yog raws li saum no xwb ces tsis txwv yuav muaj pes tsawg tus me nyuam los aws kom tau nyiaj pub ntxiv.

 

 

LWM COV KEV CAI

Yog tias koj cov nyiaj se yuav raug rho mus them cov nqi tiv tsis tau them rau kev yug rau me nyuam no ces yuav muab koj qhov nyiaj them rov qab coj mus them cov nqi thiab.  Yog koj tiv IRS nqi se, yuav muab koj qhov nyiaj them rov qab mus them qhov nqi ntawd. 

 

Koj thiab koj tus txij nkawm (yog ua se ua ke) yuav tsum ob leeg muaj cov zauv social security. Yog neb tus twg siv tus zauv ITIN los ua se, yuav tsis tau nyiaj them rov qab.  Tag nrho cov me nyuam uas tsim nyog tso rau ntaub ntawv ua se yuav tsum muaj cov zauv social security thiaj tau nyiaj them rov qab ntxiv rau cov me nyuam.

 

Tus me nyuam uas lwm tus tso tau ua se THIAB tau nyiaj tshaj $3,000 rau xyoo 2007 YUAV TSIS TAU nyiaj them rov qab.  Cov me nyuam yuav tsis tau nyiaj them rov qab. 

 

FAJ SEEB:  Tau nyiaj them rov qab yuav tsis muaj feem  rau koj txoj kev tsim nyog tau cov kev pab los ntawm tsoom fwv.  Cov kev pab no muaj xws li cov nyiaj MFIP, nyiaj muas noj, thiab nyiaj SSI.

 

Cov neeg khwv tau nyiaj ntau yuav tsis tau cov nyiaj them rov qab.

 

KUV YUAV UA LI CAS THIAJ TAU QHOV NYIAJ THEM ROV QAB?

Yuav Kom tau qhov nyiaj them rov qab, koj yuav tsum ua se mus rau tsoom fwv rau xyoo 2007.  Txawm tias koj ib txwm tsis ua se thiab yeej tsis ua se mus rau tsoom fwv los koj yuav tsum ua se xyoo no koj thiaj li yuav tau qhov nyiaj them rov qab .  Txawm tias koj cov nyiaj tau los tsuas yog nyiaj RSDI los yog SSDI xwb los yog tias koj xav tau qhov nyiaj them rov qab ces koj yuav tau ua se mus rau tsoom fwv rau xyoo 2007.

 

Yog koj tsim nyog tau nyiaj them rov qab los ntawm koj cov se hauv tsoom fwv rau xyoo 2007 uas koj cia qhov nyiaj xa ncaj nraim rau hauv koj lub txhab cia nyiaj ces koj qhov nyiaj them rov qab yuav raug xa ncaj nraim rau koj lub txhab cia nyiaj thiab. 

 

 

YUAV UA LI CAS YOG KUV UA SE LIG?

Yog tias koj ua koj cov se lig (tom qab lub Plaub Hlis Ntuj Hnub Tim 15, 2008), ces koj yuav tau txais koj qhov nyiaj them rov qab lig.  Yuav tsis muab nyiaj them rov qab tom qab lub Kaum Ob Hlis Hnub Tim 31, 2008.  Tiam sis yog tsim nyog koj tau qhov nyiaj, tej zaum koj ua tau qhov nyiaj thaum koj ua cov se rau xyoo 2008 thaum xyoo 2009.  

 

 

SIJ HAWM ZAUM OB

Tej cov neeg yuav muaj caij nyoog zaum ob tau qhov nyiaj rau lwm xyoo.  Yog koj tsis tsim nyog tau qhov nyiaj them rov qab kom ntau rau lub xyoo no, los yog koj muaj ib tug me nyuam rau hauv xyoo 2008, koj yuav tau nyiaj ntxiv thaum koj ua koj cov se 2008 thaum xyoo 2009.  Txoj kev koj yuav tsim nyog tau yog nyob ntawm koj qhov nyiaj tau rau xyoo 2008. 

 

 

Xav paub qhov chaw ua se ze koj, hu rau United Way ntawm 211, thoob plaws hauv lub xeev.  Yog koj siv lub xov tooj ntawm cev (cell), hu tus xov tooj (651) 291-0211.